ይህንን ተመልክተን ወደ ሀገራችን ስንመለስ በኢትዮጵያ ውስጥ ያሉ የቤተሰብ ቢዝነሶች በተለያዩ ተግዳሮቶች ምክንያት የአቅማቸውን ያህል ሲያድጉ አይስተዋልም። ከእነዚህም ተግዳሮቶች መካከል በዋናነት የሚጠቀሱት የአመራር ክፍተቶች ፣ ተወዳዳሪ ሆኖ መቀጠል ያለመቻል ፣ ቀጣዩ ትውልድ በተተኪነት [የቢዝነስ ባለቤቶቹ ልጆች ወይም የቅርብ ዘመዶች] ቢዝነሱን ከመሰረቱት [ከእናት ፣ ከአባት/ ከእህት ፣ ከወንድም] ተረክቦ ማስቀጠል አለመቻል ናቸው።

ከላይ የተጠቀሱትን ተግዳሮቶች በትብብር ለመፍታት እንዲያስችል ፤ ኤች ኤስ ቲ ኮንሰልቲንግ ሀላፊነቱ የተወሰነ የግል ማህበር ፤ በዓይነቱ ልዩ የሆነ “የኢትዮጵያ የቤተሰብ የንግድ ስራ ባለቤቶች መድረክ” ተብሎ የሚጠራ የምክክር መድረክ አዘጋጅቷል። መድረኩ ከቤተሰብ ቢዝነስ ባለቤቶች ፣ የንግድ ዘርፍ ማህበራት፣ ከፍተኛ የትምህርት ተቋማት ፣ ጉዳዩ የሚመለከታቸው የሚኒስቴር መስሪያ ቤቶችና በጉዳዩ ላይ በቀጥታ የሚሰሩ የጥናትና ምርምር ተቋማት ጋር በትብብር እንዲካሄድ ታቅዶ የተቋቋመ ነው።

በቀጣይም ኤች ኤስ ቲ በዓመት አንድ ጊዜ መድረኩን የሚያዘጋጅ ሲሆን የማያቋርጥ ድጋፍ መስጠት እንዲያስችል የመድረኩ አባል ለሚሆኑ የቤተሰብ ቢዝነሶች ዋና በሚባሉና ለእድገታቸው ምሰሶ በሆኑ ርዕሰ-ጉዳዮች ላይ ወርክሾፖች የሚዘጋጁ ሲሆን በየጊዜውም ተመሳሳይነት ባላቸው ርዕሰ-ጉዳዮች ላይ ጥናታዊ ጽሁፎች እየተዘጋጁ የሚቀርቡና የሚሰራጩ ይሆናል።